21/02/2021

Cambios na Web

Como algún haberá notado, vimos de facer algúns cambios no diseño da Web. Estamos a procurar darlle máis brio a esta canle de comunicación.

O primeiro que vimos de actualizar é a sección Galería de fotos, onde incluiremos as fotos cos recordos de estes xa máis de 20 anos

Tamén inauguramos a nosa canle de Youtube, onde teredes accesibles vídeos. Facédevos suscriptores para recibilos avisos coas novas publicacións.

Agardamos as vosas propostas de mellora, as cales intentaremos acometer nas nosas posibilidades.

27/10/2020

Campaña solidaria

Estamos a vivir tempos difíciles marcados por unha pandemia mundial. Esta situación fai que moita xente esté pasando por dificultades económicas. Por iso, dende esta peña, xurdiu a idea de tentar aportar un pequeniño gran de area. Dende a directiva propuxemos a campaña "Mascarillas Solidarias", a cal tivo unha enorme acollida entre os nosos socios. A idea consistiu en vender unhas mascarillas financiadas pola peña, e doar todolos cartos recadados a algunha ONG que tivese como obxectivo a axuda ós necesitados. E por fin chegou o momento de anunciar que esa pequena axuda xa está nas mans da "Asociación Freijeiro Ayuda al Necesitado (AFAN Vigo)".


Deixámosvos o enlace á súa web por si algún está interesado por coñecer a Asociación e as suas actividades: Asociación Freijeiro de Ayuda al necesitado


11/12/2019

20 anos non é nada...

Pasaron xa 20 anos, como no famoso tango de Carlos Gardel, dende aquel lonxano xa 11 de Decembro de 1999, no que un reducido grupo de celtistas plasmaban a súa firma nos papeis que oficializaban á primeira Peña Celtista da cidade da Coruña. A primeira peña en territorio do eterno rival deportivo. A primeira pedra dun soño que hoxe, 20 anos despóis, sigue vivo e renovado. Moitas vivenzas, moitas anécdotas, moitos sentimentos nestes 20 anos. Brindemos por outros 20 anos máis!!!


25/07/2019

Visita guiada ó Mosteiro de Oia

Dentro das actividades programadas con motivo do XX Aniversario da Peña, estamos a organizar unha visita guiada ó Mosteiro de Oia para o vindeiro Domingo, 8 de Setembro. A actividade terá lugar ás 11:30 e durará aproximadamente 1h30'.



A visita percorrerá a Praza de Armas, o Claustro das Procesións, o Patio das Laranxeiras, a Horta Monacal e o Xardín Ilustrado.

Mergullarémonos na historia do lugar, máis aló dos últimos 4000 anos, dende antes de ser mosteiro, pasando polo seu uso polos monxes, como vivenda privada ou coma cárcere nos anos da Guerra Civil.



Para os máis pequenos, organizarase unha "Búsqueda do Tesouro", de modo que poidan aprender e disfrutar do lugar mentres se entreteñen.

O prezo da visita é de 2.50€. Os nenos menores de 7 anos entrarán de balde.



Compre reservar antes do 17 de Agosto.

23/07/2019

Nova tempada

Estamos a piques de comezar unha nova tempada, que chega cargada de ilusións para todos os celtistas, xa que despois das penurias vividas o ano pasado, a directiva do clube optou por unha Operación Retorno na que se viron incluidas algunhas das grandes estrelas que emigraran no pasado por diversos motivos. O clube está agora plagado de canteiráns que sen dúbida darán un extra de esforzo á hora de defender a nosa camiseta.


Pero se a tempada se mostra especial para todo o celtismo, se cadra aínda o é máis para os centos de celtistas que formamos esta gran familia, xa que este ano cumprimos 20 anos de existencia. A piques están de cumplirse os 20 anos dende que a tolería duns cantos "emigrantes" acabou na formación deste gran colectivo. E para celebralo, tentaremos que o ano esté cargado de novidades e sorpresas. Estade atentos nos vindeiros días as nosas canles de comunicación habituáis, xa que pouco a pouco iremos descubrindo o pastel.


XIX Aniversario

O pasado 17 de Maio, un pouco máis tarde do habitual, celebrámolo noso XIX Aniversario. Coma sempre, foi unha xornada onde toda a familia celeste disfrutou. Proba disto, son algunhas das fotos que rescatamos desa sinalada data.


XXII – Torneo de Fútbol de Peñas Celtistas – Fase Final

O pasado 1 de Maio, ós nosos participaron na fase final do XXII Torneo de Fútbol de Peñas Celtistas, tras acadar no mes de Outubro a clasificación de maneira extraordinaria para participar nesta última rolda.



De pé de esq. a der.: Javi Penas, Araujo, Bruno, Zeke, Mera, Solla, Miguel Ángel, Carrascal, Sebas.
Abaixo de esq. a der.: Fran Davila, Durán, Borja, Juan Carlos, Claudio e Juan

Unha victoria por 4 a 2 contra a P.C. Caldeirada Sideral, e unha derrota polo mesmo resultado contra a P.C. Centolos Celestes, deixaron os nosos ás portas das semifinais. Un torneo impecable, no que o máis importante foi o ambiente de camaradería que se viviu.


O vindeiro ano, prometemos volver a loitar.



Familia Celeste

19/10/2018

XXII - Torneo de Fútbol de Peñas Celtistas – Fase de Clasificación

Por terceiro ano estamos a participar no xa tradicional Torneo de Fútbol de Peñas Celtistas, na súa 22ª Edición.


A novidade deste ano é que o torneo se celebra na modalidade de Fútbol 7, para darlle a oportunidade a peñas máis pequenas de poder participar.



De pé de esq. a der.: Bruno, Rafa Cordovilla, Mera, Carrascal, Zeke, Juan Vidal, Javier Penas.
Abaixo de esq. a der.: Miguel Solla, Juan Carlos, Miguel Ángel, Fran Davila, Borja y Durán.

A Fase de Clasificación tivo lugar o pasado venres 12 de Outubro. O noso equipo, encadrado no Grupo C, tivo una espléndida actuación, conseguindo a clasificación para a fase final que terá lugar o vindeiro 1 de Maio como primeira de grupo, con dúas victorias e un empate, marcando 8 goles e encaixando somentes 2.


Grupo C A Madroa
9:30 4 P.C.TERRA CELESTE P.C. HORDAS CELESTES 0
10:15 0 P.C.COMANDO CELTA P.C.RAMALLOSA-CANIDO B 4
11:00 1 P.C.TERRA CELESTE P.C.COMANDO CELTA 1
11:45  0 P.C. HORDAS CELESTES P.C. RAMALLOSA-CANIDO B 5
12:30  3 P.C. TERRA CELESTE P.C. RAMALLOSA-CANIDO B 1
13:15  1 P.C. HORDAS CELESTES P.C. COMANDO CELTA 5

Clasificación J G E P GF GC Ptos
1 P.C. TERRA CELESTE 3 2 1 0 8 2 7+6
2 P.C. RAMALLOSA-CANIDO B 3 2 0 1 10 3 6+7
3 P.C. COMANDO CELTA 3 1 1 1 6 6 4
4 P.C. HORDAS CELESTES 3 0 0 3 1 14 0-13

Enhoraboa ós nosos rapaces. No seguinte enlace, tedes toda a información do torneo.


04/05/2018

XVIII Aniversario

O pasado martes celebrámolo noso aniversario. Foi unha festa cargada de celtismo e amizade.



No seguinte enlace tedes as fotos do evento.


Faro de Vigo fíxo mención do evento no seguinte artigo: Derbi de cuna



28/04/2018

Sorteo no aniversario

¡¡¡Este ano o aniversario da Peña ven cargado dunha chea de agasallos!!!


Moitos socios empresarios fixeron un esforzo para aportar premios de maneira desinteresada e que o habitual sorteo que facemos teña máis afortunados.

Ademáis, a Peña sorteará 1 vale de 100€ para compras na tenda oficial do R.C. Celta e un fin de semana para 2 persoas a escoller entre unha larga lista de hoteles de todo o país.


E finalmente, xa sin sorteos:


  • CARROFESTA, PARQUES DE OCIO: Obsequiará a tódolos asistentes cunha INVITACIÓN MULTIAVENTURA. Tamén obsequiounos co suministro de helio para a decoración dos globos.
Polígono Barreiros, Zona Comercial, Calle A, Nave 17, San Cibrao das Viñas - Ourense. Tel. 988 614 004
  • RESTAURANTE PRAIA AMÉRICA: Obsequia ós socios e acompañantes cun 10% de desconto nas súas ceas, presentando o carnet da peña.

Así que xa sabedes, este martes, mercade ás vosas rifas e non quededes sen o voso premio!!!




14/04/2018

XVIII - Aniversario

O vindeiro Martes 1 de Maio, celebraremos a tradicional comida de aniversario da peña. Este ano, é un tanto especial, pois o pasado 11 de Decembro fixémonos "maiores de idade". Xa pasaron 18 anos dende aquel día no que un pequeno grupo de tolos polo Celta esqueceron pon un momento que vivían na cidade do eterno rival e se reuniron nunha de tantas cafeterías da Ronda de Outeiro para comezar un proxecto que ben seguro, ningún pensaba que chegaría tan lonxe. O igual que o noso querido Clube, a Peña pasou por distintos momentos nestes 18 anos de andadura, se ben hoxe en día somos un grupo do máis numeroso, plural e diverso, en definitiva, unha enorme familia celtista.

Este ano, o acto terá lugar a partires das 14:00 no Hotel Coia de Vigo.

Menú Adulto:


  • Aperitivo Variado
    • Empanada de Zamburiñas
    • Xamón con queixo manchego
    • Canapés artesáns
    • Calamares á romana
    • Polvo á feira
  • Prato Principal (a escoller 1)
    • Cordero Lechal o forno con guarnición de legumes e champiñóns.
    • Rodaballo á prancha con patacas ó vapor
  • Postre
    • Tarta de fresas con nata
  • Bebidas, café e licores.

Menú Infantil:


  • Aperitivo Variado
    • Taquitos de tortilla
    • Croquetas da avóa
    • Surtido de xamón e embutidos
  • Prato Principal
    • Peituga de polo a prancha con patacas.
  • Postre
    • Xelado de vainilla e chocolate
  • Bebidas

Lembrade que tedes ata o Xoves 19 de Abril para facelas reservas, mandando un whastapp privado á presidenta da peña. Os adultos tedes que especificar a elección do prato principal.

Non esperes ó ultimo día para facela túa reserva. Desexamos que todos acudades á cita. É un día moi especial para esta familia e queremos compartilo contigo.

09/10/2017

XXI Torneo de Fútbol de Peñas Celtistas - Fase de Clasificación

Por segundo ano consecutivo, imos participar no xa tradicional Torneo de Fútbol de Peñas Celtistas, na súa 21ª Edición.

A Fase de Clasificación terá lugar o vindeiro xoves 12 de outubro pola mañá. O noso equipo, quedou encadrado no Grupo E, xunto cos equipos:

  • Peña Celtista de Arbo
  • Peña Celtista Os Zoqueiros
  • Peña Celtista Preferencia Celeste

Os partidos terán unha duración de 40 minutos, dividos en dous tempos de 20 minutos cun descanso de 5 minutos. Clasifícanse para xogar a fase final o primeiro e segundo clasificado de cada grupo máis os dous mellores terceiros, o que farán un total de 12 equipos. Nestes partidos, vense preseleccionar xogadores para disputar o amigable do XXV Aniversario da Federación de Peñas Celtistas, que se celebrará no mes de agosto de 2018.


Os encontros disputaránse no campo de Sárdoma, cos seguintes horarios:


Grupo E Sárdoma
9:30 P.C. OS ZOQUEIROS P.C. DE ARBO
10:15 P.C. TERRA CELESTE P.C. PREFERENCIA CELESTE
11:00 P.C. DE ARBO P.C. TERRA CELESTE
11:45 P.C. OS ZOQUEIROS P.C. PREFERENCIA CELESTE
12:30 P.C. DE ARBO P.C. PREFERENCIA CELESTE
13:15 P.C. OS ZOQUEIROS P.C. TERRA CELESTE

No seguinte enlace tedes toda a información do torneo: XXI Torneo - Fase Clasificación


OS XOGADORES DO EQUIPO DE TERRA CELESTE ESTADES CONVOCADOS ÁS 09:30. PRÉGASE PUNTUALIDADE